रविको प्रस्ताव दलित बस्तीमा एउटा सर्वदलीय बैठक गरौँ

काठमाडौं । राष्ट्रिय स्वतन्त्र पार्टीका सभापति रवि लामिछानेले दलित बस्तीमा एउटा सर्वदलीय बैठक राख्न प्रस्ताव गरेका छन्।प्रतिनिधि सभाको बैठकमा बोल्दै भ्रष्टाचारका फाइल खुल्दा वा कुनै नियुक्तिहरूको भागबन्डाको लागि गरिने सर्वदलीय बैठक नभई कुनै खुमलटार, बालकोट र बालुवाटारमा नभई दलीय मुसहर बस्तीमा बस्न प्रस्ताव गरे।

१. आर्थिक शिथिलता र आम नैराश्यता युवा पलायनका लागि युवा केन्द्रित पोजेक्ट होप नामक अभियान सुरु गरौँ जसमा मौद्रिक र वित्तीय नीतिका आधारमा समझदारी कायम गरौँ, कर्जाको स्वरूप र विस्तारबारे, करका दर र कर छली रोक्नबारे, आन्तरिक र बाह्य लगानी प्रवर्द्धन गर्नेबारे, नयाँ संरचनात्मक सुधारहरूबारे, साझा मत बनाउन सकिन्छ कि सकिँदैन सर्वदलीय बैठक गरौँ। सहकारी र लघुवित्त संस्थाहरूको कडा नियमन र रकम फिर्ता गर्न सम्पत्ति रोक्का र जफत प्रक्रिया तुरुन्तै सुरु गर्न सक्छौँ कि सक्दैनौँ त्यही बैठकबाट पारित गरेर सदनमा लिएर आऔँ ।

२. सुशासन र भ्रष्टाचार नियन्त्रणका लागि ०४८ पछिको सबै जनप्रतिनिधिको सम्पत्ति विवरण सार्वजनिक गरौँ।

३. रुग्ण भौतिक आयोजनाको व्यवस्थापन गरौँ

४. शिक्षा, स्वास्थ्य र सामाजिक सुरक्षाका संकट समाधान गरौँ

५. परराष्ट्र मामिला सम्बन्धी सत्ता टिकाउन कुनै शक्ति राष्ट्रको सद्भाव खोज्ने दौड छाडौँ।