बुढानीलकण्ठ साहित्यिक, सांस्कृतिक महोत्सव, सामाजिक सञ्जालले पठन संस्कृति कमजोर ः हरिवंश आचार्य

काठमाडौं, १७ फागुन । काठमाडौंको बुढानीलकण्ठ नगरपालिकाले हालैै दुई दिने ‘बुढानीलकण्ठ साहित्यिक, सांस्कृतिक महोत्सव’ गरेको छ ।

बुनपा १३ स्थित चुनीखेलमा उद्घाटन गरिएको महोत्सवको समापन भने बुनपा–३ स्थित विश्व प्रसिद्ध तीर्थस्थल बुढानीलकण्ठ मन्दिर परिसरमा गरिएको थियो ।

महोत्सवमा नगरपालिकाभित्र रहेका सांस्कृतिक बाजा, राष्ट्रिय कलाकारहरु, कवि, संस्कृतिविद्, विभिन्न विद्यालयका विद्यार्थीहरु, विभिन्न नगरपालिकाका प्रमुखहरुकाबीच सामाजिक, राजनीतिक, उद्योग, व्यवसाय, खेलकुद, स्वास्थ्य, पर्यटन, नाटक तथा रंगमञ्च लगायत सम्पूर्ण विधा तथा क्षेत्रहरुलाई समेट्दै छलफल, बहस तथा अन्तरक्रियाको कार्यक्रमको आयोजना गरिएको थियो
जनप्रतिनिधिहरुले सांस्कृतिक रुपान्तरणका लागि विभिन्न स्थानीय पोशाक एवं भेषभुषामा सजिएर महोत्सवमा सहभागी हुँदा कलाकार हरिवंश आचार्य झमक घिमिरे, बृद्धि तामाङलगायतले कला र संस्कृतिबारे आफ्नो धारणा राखेका थिए ।


वरिष्ठ कलाकार हरिवंश आचार्यले सामाजिक सञ्जालले पठन संस्कृति कमजोर बनाउँदै लगेको बताए । साहित्यबिनाको समाज परिकल्पना गर्न नसकिने भन्दै उनले आफ्नो भाषा, साहित्य र संस्कृतिको जगेर्ना गर्नु हरेक जनप्रतिनिधिको दायित्व र कर्तव्य भएको बताए ।

सोही क्रममा डा. भगवान् कोइराला, प्रा.डा. मधु दीक्षित र डा. शंकरमान राईले स्वास्थ्य क्षेत्रको अवस्था, चुनौती, आवश्यकता र असल प्रयत्नबबारे बोलेका थिए ।

देश कसरी बन्छ ? भन्ने सेसनमा बुढानिलकण्ठ नगरपालिकाका व्यवासायीहरु सुरज वैध्य, लाक्पाफुटी शेर्पा र जिवन धिमिरे लगायताले आ–आफ्नो धारणा राखेका थिए ।

शुक्रबारकै सेसनमा नगरपालिकाका वडा अध्यक्षहरुले नगरपालिकालाई आहा बनाउन के के काम भईरहेको छ ? भन्ने बिषयमा आफ्ना भिजन प्रस्तुत गरे ।

जुन सेसनमा वडा अध्यक्षहरु रवि खड्का, सुमित्रा पाण्डे त्रिपाठी, टीका नारायण श्रेष्ठले आहा नगरपालिका बनाउन चाहिने आधारभूत आवश्यकताका विषयमा छलफल गरेका थिए ।


सपनाको सहरअन्र्तगत नगरपालिकामा परिश्रम गरेर आफुलाई चिनाएका सडक व्यवसायी सीता नेपाली, कृषि उद्यमी सानु श्रेष्ठ, माइक्रो चालक सरला लुईटेललाई सम्मान पनि गरिएको थियो । त्यस्तै महोत्सवको पहिलो दिन विभिन्न १५ कविहरुले आफना कविताहरु प्रस्तुत गरेका थिए ।