काठमाडौँ, २० मङ्सिर । ईङलिश प्रिमियर लिग अन्तर्गत आर्सनलले लुटन टाउनमाथि रोमाञ्चक जित हासिल गरेको छ ।
गएराती सम्पन्न खेलमा आर्सनलले लुटन टाउनलाई ४-३ गोल अन्तरले पराजित गरेको हो ।
आर्सनलको जितमा खेलको इन्जुरी समयपछिको ९७औं मिनेटमा डेक्लान राइसले निर्णायक गोल गरेका थिए ।
यसअघि गाब्रियल मार्टिनेली, गाब्रियल जिसस र् काइ हाभेर्टले एक एक गोल गरेका थिए ।
त्यसैगरी लुटन टाउनका लागि गाब्रियल ओशो, एलिजाह अडेबायो र रोज बार्कलीले एक एक गोल गरेका थिए ।
यो जितपछि आर्सनलले लिगमा आफ्नो अग्रता बढाएको छ । १५ खेलमा ३६ अंकसहित शिर्ष स्थानमा रहेको आर्सनल दोस्रो स्थानमा रहेकोलिभरपुलभन्दा ५ अंकले अगाडी भएको छ । यद्यपी लिभरपुल एक खेल कम खेलेको छ ।
त्यसैगरी लुटन टाउनको भने १५ खेलमा ९ अंक रहेको छ र लिगमा १७औं स्थानमा छ ।
