काठमाडौं। निर्माण सुरु गरिएको आठ वर्षमा तल्लो सोलु जलविद्युत् परियोजनाको ८२ मेगाबाट विद्युत् राष्ट्रिय प्रसारण लाइनमा जोडिएको छ ।
सन् २०१७ बाट निर्माण थालिएको सोलुखुम्बुमा सञ्चालित तल्लो सोलु जलविद्युत् परियोजनाअन्तर्गतको ८२ मेगाबाट विद्युत् साउन ४ गतेबाट लाम्मानेस्थित सोलु करिडोरको १३२ केभि प्रसारण लाइनमा जोडिएको हो ।
नेदरल्याण्ड्सको एफएमओ बैंकको करिब १७ अर्ब ऋण लगानीमा निर्माण गरिएको हो । सो परियोजनाबाट वर्षायाममा ८२ मेगावाट र हिउँदयाममा न्यूनतम २० देखि २२ मेगावाट विद्युत् उत्पादन हुने परियोजनाका सहायक प्रबन्धक कृष्ण चौधरीले एकताअनलाइनलाई जानकारी दिए।
यस परियोजनाको विद्युत् राष्ट्रिय प्रसारणमा जोडिएसँगै अब कोशी प्रदेशको विद्युत् माग धान्न थप सहयोग पुग्ने अपेक्षा गरिएको छ ।
