उज्यालो नेपाल पार्टीका तर्फबाट काठमाडौँ निर्वाचन क्षेत्र नम्बर–५ मा प्रतिनिधि सभा सदस्यका उम्मेदवार श्री गुरुङले औपचारिक रूपमा उम्मेदवारी घोषणा गर्नुभएको छ। उहाँको चुनावी चिन्ह “चिम बल्ब” उज्यालो भविष्य, नवप्रवर्तन र आशाको प्रतीक हो।
“आर्थिक रूपान्तरण र समृद्धि” भन्ने नारासहित श्री गुरुङले रोजगारी सिर्जना, प्रविधि आधारित विकास, गुणस्तरीय शिक्षा र स्वास्थ्य सेवा तथा सुशासनलाई प्रमुख एजेन्डा बनाउनुभएको छ। स्टार्टअप, साना तथा मझौला उद्यम प्रवर्द्धन गर्दै AI, रोबोटिक्स, क्लिन इनर्जी र डिजिटल अर्थतन्त्रलाई राष्ट्रिय विकासको आधार बनाउने उहाँको दृष्टिकोण छ।
युवाका लागि सीप–आधारित शिक्षा, भुक्तानसहितको इन्टर्नशिप, स्टार्टअपमैत्री नीति र महिलाका लागि Women in Tech कार्यक्रममार्फत उद्यमशीलता प्रवर्द्धन गर्ने प्रतिबद्धता गरिएको छ। स्वास्थ्य, पर्यटन र ऊर्जामा प्रविधिको प्रयोग बढाउँदै प्रभावकारी सेवा प्रवाह र पारदर्शी शासन प्रणाली लागू गर्ने योजना पनि घोषणापत्रमा समेटिएको छ।
श्री गुरुङ भन्नुहुन्छ, “काठमाडौँ–५ लाई अब नारा होइन, परिणाम चाहिएको छ।” उज्यालो नेपाल पार्टीले उहाँको उम्मेदवारीले नयाँ सोच र समृद्धिको स्पष्ट बाटो देखाउने विश्वास लिएको छ।
