काठमाडौं । अध्यागमन विभागले नेपाल आएर सम्पर्कविहीन हुने विदेशीलाई डिजिटल ट्रयाकिङ गर्ने भएको छ ।
उनीहरुलाई ट्रयाकिङ गर्ने प्रविधि विकास गर्ने तयारी विभागको छ । विदेशी पर्यटकलाई डिजिटल पहिचान गर्ने प्रविधि विकास गर्न लागिएको विभागले जनाएको छ ।
यसबारे जानकारी दिन विभागमा आइतबार आयोजित पत्रकार सम्मेलनमा अध्यागमन विभागका महानिर्देशक रामचन्द्र तिवारीले डिजिटल पहिचान र सम्पर्कविहीन यात्रुलाई ट्रयाकिङ गर्ने प्रविधि विकास गर्न लागेको बताए ।
अध्यागमनको समस्यामा दीर्घकालीन समाधान खोज्न चाहेको भन्दै उनले यस विषयमा विभागले काम गरिरहेको जानकारी दिए ।
भिजिट भिसामा जाने नेपालीहरूको संख्या पछिल्लो ४ वर्षमा हरेक वर्ष बढेको उनले बताए ।
उनका अनुसार २०२५ जुलाईसम्ममा १ लाख ३४ हजार भिजिट भिसामा विदेश गएका छन् ।
