काठमाडौं । तनहुँको भानु नगरपालिकाले गुन्द्रुकलाई ब्रान्डिङ गर्ने र यसलाई अन्तर्राष्ट्रिय बजारमा लैजाने योजना बनाएको छ ।
‘भानु गुन्द्रुक’ ब्रान्डमार्फत् राष्ट्रिय तथा अन्तर्राष्ट्रिय बजारमा लैजाने योजना रहेका नगरपालिकाले जनाएको छ ।
स्थानीय उत्पादनलाई प्रोत्साहन र बजारीकरण गर्ने उद्देश्यअनुुसार गुन्द्रुकलाई पनि ब्रान्डिङ गरेर निर्यात गर्ने रणनीति बनाइएको मेयर आनन्दराज त्रिपाठीले जानकारी दिए ।
उनका अनुसार गुन्द्रुक उत्पादन, प्रशोधन र बजारीकरणका लागि नवीनतम प्रविधि तथा व्यवस्थापन प्रणालीको प्रयोग गरिनेछ ।
गुन्द्रुकलाई ब्रान्डिङ गर्न स्थानीय कृषक समूहको क्षमता अभिवृद्धि, उत्पादनमा गुणस्तरको एकरूपता सुनिश्चित, ‘प्याकेजिङ’ र ‘लेबलिङ’मा सुधार गर्ने बताइएको छ ।
उत्पादन ‘ट्रयाकिङ’, अनलाइन बिक्री प्रवद्र्धन, डिजिटल मार्केटिङ, क्युआर कोडमार्फत स्रोत पहिचानजस्ता उपाय पनि समावेश गरिने नगरपालिकाले जनाएको छ ।
मेयर त्रिपाठीका अनुसार भानु नगरपालिकालाई गुन्द्रुक उत्पादनको हब बनाउने उद्देश्य लिइएको छ । यसबाट कृषकलाई आर्थिक रूपमा सबल बनाउन सकिने अपेक्षा गरिएको उनले बताए ।
