नेपालगञ्ज । बाँकेको नेपालगञ्ज उपमहानगरपालिका वडा नम्बर २१ बिर्ता गाउँका युवा इन्तजार भन्ने मोहम्मद अरबी खाँको हत्यामा संलग्न व्यक्ति एक वर्षपछि पक्राउ परेका छन् । सोही ठाउँका ५३ वर्षीय अफजल पठानलाई प्रहरीले पक्राउ गरेको हो ।
जिल्ला प्रहरी कार्यालय बाँकेका सूचना अधिकारी एवं प्रहरी नायब उपरीक्षक दिपाकपातलीका अनुसार प्रतिवादी पठानलाई नेपाल आउन लागेको समयमा नेपाल–भारत सीमा क्षेत्र जमुनाहाबाट पक्राउ गरिएको हो । पठानलाई फागुन ५ गते पक्राउ गरिएको थियो ।
बिर्ता गाउँका २२ वर्षीय खाँको २०८० चैत्र १८ गते घरदेखि पाँच सय मिटर पूर्व गंगारामपूर्वादेखि तेलियनपुर जाने बाटोमा धारिलो हतियार प्रयोग गरी हत्या भएको भएको थियो । हत्याको भोलिपल्ट रातिदेखि खाँ घरबाट सम्पर्कविहीन भएका थिए ।
