काठमाडौं । निवर्चान आयोगले उपलब्ध गराएको तथ्यांकअनुसार जारी प्रतिनिधिसभा निर्वाचनअन्तर्गत दिउँसो १ बजेसम्म देशभरका मतदान केन्द्रमा ४४ लाख ५५ हजारभन्दा बढी मत खसेको छ ।
आयोगका अनुसार देशभर रहेका १ करोड ८९ लाख ३ हजार ६८९ मतदातामध्ये करिब २४ प्रतिशत मत खसेको छ । मतदान बिहान ७ बजेदेखि सुरु भई देशभर शान्तिपूर्ण रूपमा जारी रहेको आयोगले जनाएको छ ।
प्रदेशगत विवरणअनुसार कोशी प्रदेशमा करिब २३ प्रतिशत, मधेश प्रदेशमा २० प्रतिशत, बागमती प्रदेशमा १९ प्रतिशत, गण्डकी प्रदेशमा २१ प्रतिशत, लुम्बिनी प्रदेशमा २६ प्रतिशत र कर्णाली प्रदेशमा करिब ३१ प्रतिशत मत खसेको आयोगको तथ्यांकमा उल्लेख छ ।
उपत्यकाभित्रका तीन जिल्लामा भने करिब ३६ प्रतिशत मतदान भएको छ । काठमाडौं, भक्तपुर र ललितपुरका विभिन्न मतदान केन्द्रमा मतदाता बिहानैदेखि लामबद्ध भएर मतदान गरिरहेका छन् ।
आयोगका अनुसार हालसम्म मतदान शान्तिपूर्ण रूपमा भइरहेको छ र मुख्य कुनै अप्रिय घटना नघटेको जानकारी पनि दिएको छ । आयोगले मतदातालाई बेलुकी ५ बजेसम्म निर्धक्क भएर आफ्नो मतदान अधिकार प्रयोग गर्न आग्रह गरेको छ ।
