काठमाडौँ । राष्ट्रिय स्वतन्त्र पार्टीका सांसद पुरुषोत्तम यादवले तत्कालीन प्रधानमन्त्री केपी शर्मा ओलीलाई छलेको भूतको सवार अहिले एमाले संसदीय दलको नेता रामबहादुर थापा बादलमा सवार रहेको बताएका छन् ।
प्रतिनिधिसभाको बुधबारको बैठकमा यादवले भने– ‘जेनजी आन्दोलनसम्म प्रधानमन्त्री रहनुभएका ओलीज्यूलाई जुन भूतले छलेको थियो । अहिले त्यही भूत बादलज्यूमा सवार रहेको देखिन्छ ।’
उनले यो सदन र वर्तमान सरकार जेनजी आन्दोलनमा बगेको रगतपछि निर्माण भएको बताउँदै जेनजी आन्दोलनका घाइतेलाई निःशुल्क उपचार र जेनजी आन्दोलनका मृतकका परिवारलाई रोजगारीको व्यवस्था सरकारले कहिले गर्छ भन्दै प्रश्न गरे ।
