सुनकोशी नदीमा खसेर बेपत्ता भएको जिप गोताखोर र स्थानीयको टोलीले फेला पारेका छन् । त्यसमा सवार तीन जना यात्रु भने अझै बेपत्ता छन् ।
खोटाङको हलेसीबाट काठमाडौंतर्फ जाँदै गरेको जिप मध्यपहाडी लोकमार्गअन्तर्गत सिन्धुलीको गोलन्जोर गाउँपालिका–१ कुँडुले नजिकबाट सुनकोशीमा शनिबार खस्दा तीन यात्रु बेपत्ता भएका छन् । जिपमा रहेका एक जनाले भने हाम्फालेर ज्यान जोगाएका छन् ।
जिप पल्टिन थालेपछि हाम्फालेका भक्तपुर सूर्यविनायक नगरपालिका जगातीका २७ वर्षीय सुशान्त कक्षपतीले घटनाबारे प्रहरीलाई जानकारी गराएका थिए । सुनकोशी नदीमा खसेर बेपत्ता हुनेहरूमा भक्तपुर सूर्यविनायक नगरपालिका जगातीका ३२ वर्षीय चालक अविन बडे, ३० वर्षीय प्रनित स्यागु र ३७ वर्षीय बलराम घटुवा रहेका छन् ।
