काठमाडौंँ । शुक्रबारदेखि सार्वजनिक प्रदर्शनमा आउने फिल्म ‘वर एण्ड वधु’ को मोफसल प्रिमियर पोखरामा गरिएको छ । मंगलबार पोखराको मिडटाउन हलमा आयोजित प्रिमियरमा फिल्मका कलाकार तथा रंगपत्रकारको सहभागिता थियो ।
फिल्म युनिटबाट निर्देशक मिलन चाम्स, निर्मात्री जानुका थापा, कलाकार किरण केसी, नायिका आँचल शर्मा, नायक विवेक कर्मचार्य, कलाकार कुसुम शर्मा र विजु पार्की प्रिमियरमा सहभागी थिए । प्रिमियरमा फिल्मले उत्कृष्ट प्रतिक्रिया पाएको निर्देशक चाम्सले बताए । प्रिमिएर मिडटाउन हलसँगको सहकार्यमा आयोजना गरिएको थियो ।
फिल्मको काठमाडौँ प्रिमिएर भने आज बुधबार साँझ आयोजना गरिएको छ । रोमान्टिक कमेडी जनराको फिल्म एलआरके इन्टरटेन्मेन्टको व्यानरमा निर्माण गरिएको हो । फिल्मका कार्यकारी निर्माता अमित रिजाल हुन् । फिल्मको छायांकन नेपाल, रोमानिया, फ्रान्स, इटाली र स्पेनमा गरिएको हो ।
फिल्मले सार्वजनिक प्रदर्शनबाट पनि बक्स अफिसमा सुखद व्यापार गर्ने अपेक्षा निर्माण युनिटको छ । फिल्ममा विजय लामा, किरण केसी, रविन्द्र खड्का, श्रृष्टी खड्का, हिमेश पन्त, कुसुम शर्मा, दिनेश काफ्ले, सिता न्यौपाने, अंशु महर्जन, सरिता लामिछाने, गरिमा शर्मा लगायतका कलाकारको अभिनय छ ।
