काठमाडौं । बाढी तथा प्राकृतिक विपद्बाट प्रभावित नागरिकको स्वास्थ्य उपचारमा सहयोग पुर्याउने उद्देश्यले आर्या फार्माल्याबले नेपाल सरकारलाई ८२ लाख ५१ हजार ७५० रुपैयाँ बराबरका औषधि उपलब्ध गराएको छ ।
प्रभावित क्षेत्रमा रहेका स्वास्थ्य चौकी तथा स्वास्थ्य स्वयंसेवकमार्फत नागरिकलाई आवश्यक स्वास्थ्य उपचार उपलब्ध गराउन ती औषधि सहयोग गरिएको कम्पनीले जनाएको छ ।
विपद्का कारण प्रभावित नागरिकमा स्वास्थ्यसम्बन्धी समस्या बढ्न सक्ने अवस्थालाई ध्यानमा राख्दै उपचारका लागि आवश्यक औषधि उपलब्ध गराइएको आर्याले जनाएको छ ।
कम्पनीले प्रभावित क्षेत्रमा थप स्वास्थ्य उपचार आवश्यक परेमा आवश्यक उपकरण तथा औषधिसमेत सहयोग गर्ने प्रतिबद्धता जनाएको छ ।
विपद्पछि राहतसँगै प्रभावित नागरिकको स्वास्थ्य सुरक्षालाई प्राथमिकतामा राखेर गरिएको सहयोगले उपचार सेवामा सहजता ल्याउने अपेक्षा गरिएको छ ।
