मनिला । यतिबेला फिलिपिन्स समुद्री आँधीको चपेटामा परेको छ । यस वर्षको सबैभन्दा शक्तिशाली समुद्री आँधी कलमेगीका कारण मध्य फिलिपिन्समा कम्तीमा ६६ जनाको मृत्यु भएको अधिकारीहरूले बताएका छन् । लाखौं मानिसहरू घरबारविहीन भएको बताइएको छ ।
कालमेगी आँधीले सबैभन्दा बढी जनसंख्या भएको मध्य टापु सेबुका सम्पूर्ण सहरहरूलाई डुबानमा पारेको छ । यहाँ ४९ जनाको मृत्यु भएको छ । अन्य २६ जना बेपत्ता रहेको नागरिक रक्षा अधिकारीले बुधबार एक रेडियो अन्तर्वार्तामा भनेका छन् ।
मानिसहरू छतमा आश्रय लिइरहेको भिडियोहरूले देखाएका छन् । कार र ढुवानी कन्टेनरहरू सडकमा बगिरहेको अवस्थामा देखिएका छन् । राहत सामाग्री बाँड्न गएको सेनाको हेलिकप्टर सेबुको दक्षिणमा रहेको मिन्डानाओ टापुमा दुर्घटनाग्रस्त भएपछि चालक दलका ६ जना सदस्यहरूको पनि मृत्यु भएको छ ।
मंगलबार राहतका लागि पठाइएको सेनाको चार विमान मध्ये दुर्घटना परेको थियो । मंगलबार बिहानै पहिरो गराएपछि आँधी कमजोर बनेको तर यो अझै ८० माइल प्रतिघण्टा (१३० किलोमिटर प्रतिघण्टा) भन्दा बढीको गतिमा अघि बढिरहेको बताइएको छ । आँधी बुधबारसम्म भिसायास टापु क्षेत्र पार गर्दै दक्षिण चीन सागरमाथि सर्ने अनुमान गरिएको छ ।
