काठमाडौँ । प्रहरीले रुपन्देहीको सिद्धार्थनगर नगरपालिका वडा नम्बर ३ बाट लागुऔषध खैरो हेरोइनसहित एक जनालाई पक्राउ गरेको छ। पक्राउ पर्नेमा मायादेवी गाउँपालिका वडा नम्बर ६ दुर्गौलिया घर भएका ३४ वर्षीय जगदीश यादव छन् ।
लागुऔषध नियन्त्रण ब्यूरोको शाखा कार्यालय भैरहवाबाट खटिएको टोलीले उनलाई शनिबार पक्राउ गरेको हो। आरोपीको साथबाट ९७ ग्राम ८१० मिलिग्राम खैरो हेरोइन बरामद गरिएको ब्युरोका एसपी दुर्गा रेग्मीले बताए। आरोपीबारे थप अनुसन्धान र कारबाहीका लागी उनलाई ब्यूरोले जिल्ला प्रहरी कार्यालय रुपन्देहीमा बुझाएको छ।
