काठमाडौं । विपद्का बेला सामाजिक उत्तरदायित्व निर्वाह गर्दै ट्रिटन मा.वि. तथा कलेजले भोटेकोशी बाढीबाट प्रभावित परिवारका लागि २ लाख २२ हजार रुपैयाँ सहयोग गरेको छ।
बाढीका कारण प्रभावित बनेका परिवारलाई राहत तथा पुनःस्थापनामा सहयोग पुगोस् भन्ने उद्देश्यले कलेजले उक्त रकम उपलब्ध गराएको हो।
शिक्षण संस्था केवल शैक्षिक गतिविधिमा सीमित नभई सामाजिक सेवामा समेत सक्रिय हुनुपर्ने सन्देशसहित कलेजले विपद् प्रभावितका लागि सहयोग गरेको जनाएको छ।
भोटेकोशी क्षेत्रमा आएको बाढीले जनजीवन प्रभावित बनाएका बेला विभिन्न संघसंस्था तथा व्यक्तिहरूबाट राहत तथा सहयोग जुट्ने क्रम चलिरहेका बेला ट्रिटन कलेजको सहयोग पनि त्यसै अभियानको हिस्सा बनेको छ।
कलेजले विपद्का समयमा प्रभावित समुदायसँग ऐक्यबद्धता जनाउँदै आफ्नो सामाजिक दायित्व पूरा गर्ने प्रयासस्वरूप सहयोग गरेको जनाएको छ।
