ललितपुरको महालक्ष्मी नगरपालिकाको वडा नम्बर २ का वडाध्यक्ष ध्रुव खत्रीले बाटो, ढल, शिक्षा, स्वास्थ्य सेवामा काम भएको र खानेपानीको समस्या समाधान गर्नेगरी काम भइरहेको जानकारी दिए । भौतिक पूर्वाधारको क्षेत्रमा पनि काम भइरहेको उनले बताए ।
‘हामी निर्वाचित भएर आएपछि पहिलो बजेटमा कर्मनाशा कोरिडोर खोल्यौँ, वडा कार्यालयदेखि वरपिपलसम्मको बाटो विस्तार, ढल र पिच ग¥यौँ । कर्मनाशा खोलामा पुल बनाउने काम ग¥यौँ,’ उनले भने । ढल नभएका स्थानमा ढल व्यवस्थापनका क्षेत्रमा पनि काम भएको उनले बताए ।
शिक्षाको क्षेत्रलाई पनि प्राथमिकतामा राखेर काम गरेको जानकारी दिएका उनले स्वास्थ्य पनि राम्रै काम भइरहेको बताए । ‘बाआमा’ कार्यक्रमअन्तर्गत घरघरमै गएर ज्येष्ठ नागरिकको स्वास्थ्य परीक्षण गर्ने गरिएको उनले बताए । सामाजि सुरक्षाभत्ता बैंकमार्फत दिएको र बैंक जान नसक्नेका लागि सिफारिस गरिदिएर आफन्तलाई बुझ्ने व्यवस्था गरेको वडाध्यक्ष खत्रीले जानकारी दिए ।
अघिल्लो वडाध्यक्षको कार्यकालमा पूरा हुन नसकेका भौतिक पूर्वाधारलगायतलाई पूर्णता दिने काम भइरहेको उनले बताए । ढल व्यवस्थापन, सडक पिच, खानेपानीको क्षेत्रलाई प्राथमिकता राखेर काम गरिरहेको जानकारी दिएका उनले दुईवटा खानेपानी केन्द्रबाट पानी वितरण गर्ने गरिएको बताए । स्रोतको अभावमा देखिएको खानेपानी समस्या समाधानलाई प्राथमिकता दिएर काम गरिरहेको उनले बताए ।
‘बाटो, ढल, शिक्षा, स्वास्थ्यमा पूर्णरुपले सेवा प्रवाह गर्न सकेका छौँ,’ उनले भने, ‘खानेपानीको समस्या हो, यसलाई पनि समाधान गर्ने लक्ष्यका साथ काम गरिरहेका छौँ ।’
