काठमाडाैं । माेरङकाे विराटनगरमा आयोजना हुने विराट एक्स्पो–२०२६ यसपटक परम्परागत औद्योगिक तथा व्यापारिक प्रदर्शनीमा मात्र सीमित नहुने भएको छ। उद्योग, व्यापार, उद्यमशीलता र लगानीसँगै मनोरञ्जन तथा नयाँ अवसरलाई समेत जोडेर एक्स्पोलाई थप फराकिलो बनाउने तयारी गरिएको छ।
आगामी पुस २ देखि ११ गतेसम्म आयोजना हुने नवौँ संस्करणको एक्स्पोमा उद्योगी, व्यवसायी, उद्यमी, लगानीकर्ता, विद्यार्थी, युवा तथा नीति निर्माताको सहभागिता रहने आयोजक उद्योग संगठन मोरङले जनाएको छ। आयोजकले २ लाख ५० हजारभन्दा बढी आगन्तुक सहभागी हुने अपेक्षा गरेको छ।
यसैबीच, एक्स्पोको मुख्य प्रायोजकका रूपमा एक्स्ट्रिम इनर्जी ड्रिंक रहने सम्झौता भएको छ। उद्योग संगठन मोरङ र एक्स्ट्रिम इनर्जी ड्रिंक्सबीच शुक्रबार विराटनगरमा सम्झौता भएको हो। म्याक्स टाइगर इनर्जी ड्रिंक ‘इनर्जी पार्टनर’ र वामवाम हाइड्रेसन ड्रिंक ‘हाइड्रेसन पार्टनर’ बनेका छन्।
उद्योग संगठन मोरङका अध्यक्ष नन्दकिशोर राठीले एक्स्पोले उत्पादन र सेवाको प्रदर्शनसँगै उद्योग, व्यापार, लगानी, रोजगारी र उद्यमशीलताका अवसरलाई जोड्ने बताए।
एक्स्पो संयोजक विपिन काबराले मुख्य प्रायोजकको सहभागिताले कार्यक्रमको आकर्षण थप बढाउने र साझेदारीलाई ब्रान्ड प्रवद्र्धनमा मात्र सीमित नराखी एक्स्पोका विभिन्न गतिविधिसँग जोडिने बताए।
