भक्तपुर । सूर्यविनायक नगरपालिका वडा नं. १, सिरुटारमा नयाँ वडा प्रशासनिक भवन निर्माणका लागि शिलान्यास हुने भएको छ।
“समृद्ध सिरुटार, सुखी नागरिक” भन्ने नारासहित आयोजना हुन लागेको शिलान्यास कार्यक्रम असोज २८ गते बिहान ७:३० बजे वडा कार्यालयको प्रशासनिक भवन निर्माणस्थलमा हुने भएको हो।
सूर्यविनायक नगरपालिका वडा नं. १ को आयोजनामा हुने उक्त कार्यक्रममा नगरप्रमुख बासुदेव थापाले प्रमुख आतिथ्यता गर्नुहुने जनाइएकाे छ।
नयाँ प्रशासनिक भवन निर्माणसँगै वडाबाट प्रदान गरिने सेवा प्रवाहलाई थप सहज, व्यवस्थित र प्रभावकारी बनाउने अपेक्षा गरिएको छ।
