काठमाडाैं । गोकर्णेश्वर नगरपालिकाभित्रका विभिन्न स्थानमा सडक स्तरोन्नति तथा सहरी पूर्वाधार निर्माणका लागि शहरी विकास मन्त्रालयबाट २६ करोड ९४ लाख रुपैयाँ बजेट स्वीकृत भएको छ।
नगरपालिकाले सहरी पूर्वाधार निर्माणका लागि मिति २०८३/०३/३२ गते सम्बन्धित मन्त्रालयमा बजेट माग गर्दै औपचारिक पत्र पठाएको थियो। साथै, आवश्यक समन्वय तथा सहजीकरणका लागि नगरपालिकाले आफ्नो तर्फबाट इन्जिनियरसमेत प्रतिनिधिका रूपमा तोकेको थियो।
नगरपालिकाबाट पठाइएका प्रस्ताव तथा आवश्यक कागजातका आधारमा मन्त्रालयले बजेट स्वीकृत गरेको जानकारीसहितको पत्र नगरपालिकामा प्राप्त भएको छ।









